Niýet

Bes edeliň aldamagy özümiz,
bes edeliň aldamagy ilimiz,
yzda galan, dyzda galan, galmajak,
hiç bir alla, hiç bir taňry goldamaz,
kömek etmez, adamlary goýaly,
öz-özüne kömek etmez millete,
biri-birin ýykyp bilse begenýän,
öz-özüne el uzatmaz millete,
gybat edýän, dek duruzman agzyny,
özi baryp, ýesir düşen minnete,
bes edeliň aldamagy özümiz,
azat bolmak bagly diňe niýete.