Saadiniň äheňinde

Ýer astynda ýatan urýan ýürekli
göwni ölen dirilerden kän gowy,
olar wagtal-wagtal gelýär, aýlanýar,
ýatlasaň, küýseseň, ýüregiň gyssa,
durýar hemem gidýär sesin çykarman,
emma öňküsi dek agyr däl gussa,
düşünýärsiň eger özleri gelse,
näme üçin gelýär, näme isleýär,
näme üçin çytyk ýaly gaşlary,
käte ýüzi ýagty, nur bolup durşy,
emma diri, bir köçede, obada,
ne ýanyňa geler, ne elter ýanna,
sebäbi bilersiň ýakynlygyň ýok,
hemme ölen ölmez ýüregi ursa,
hemme diri bolan bolmaýar sanda.