Ýekaterinburg habary

Beýik ýurt bu,
beýik döwlet dünýäde,
basyp aldy çäksiz ýeri, meýdany,
ýok diýeni gyryp uludan-kiçä,
garakçymyş, terrorçymyş başgalar,
goşuny-da, bilýärsiňiz, ullakan,
hyzmatdaş biz onuň bilen aýrylmaz,
hem görelde edinmeli gylygyn,
emeldarlar, diňe harbylary däl,
işleýärler watan üçin, il üçin,
muňa mysal gümrükçiniň poly-da,
aşagyndan çykan 100 milýon dollar,
altyn bilen ikisi kem 20,
azu-küş däl, tonnalanyp çilinen,
çünki onuň göreldesi ýokarda,
bunker şasy, doglan ýeke-täk, ýalky,
beýik ýurt bu, beýik döwlet, hoş bolýar,
talandykça beter beýgelýär halky.