Ýol dogasy

Gora, hudaý, ýüreksizden,
gora, alla, beýnisizden,
gyssanýandan uzak ýolda,
barjak ýeri belli hemmäň,
gyzyl ýanar, ýaşyl ýanar,
sary ýanar, howlukdyrma,
gora, taňrym, beýik çynar,
düýnki bäbek bir jan berer,
ikisi ýok hiç adamda,
hiç jandarda, agaçlarda,
goý, gidenler tohum goýsun,
pikiri goýsun köp başlarda,
gögermäge, bo almaga,
gora, hudaý, seniňki ýol,
maý ber mydam sowulmaga,
eçil maňa pursat biraz,
diýsin ýaşlar biraz aga!