Hudaý nätsin?

Hudaýy çagyrýan näçe ene bar,
näçe ata bar,
näçe çaga, näçe naçar jahanda,
şeýle bir ýürekden çagyrýar haky,
ertir tursa, agşam ýatsa, ýalbarýar,
diýýär bary: “Goraweri, jan alla!”
Ýöne allaň bolşy urýan dek aldap,
umyt berip uly-kiçiň kalbyna,
belki-de ol beren däldir hiç bir zat,
biz, özümiz tapandyrys bu gepi,
aýyplan dek ejemizi, kakamyz,
aç ölmesek kaýyl bolan gydyrdap,
okatmandyr diýip gowy mekdepde,
günäni başgadan gözlemek aňsat,
bu boluşda, adam adam bolmasa,
ogry bolsa, hudaý nätsin, dat-bidat!