Ýurt habary

O bir ýurdy, bu bir ýurdy,
görkezseler açlyk, uruş,
ýer yrandy, tupan turdy,
sil gelipdir, ýanýar tokaý,
gurakçylyk, diktatura...
gynanýarsyň, ajy habar,
ýňne sabryň ýetmän uzak,
öçürýärsiň gürleýäni,
öz-özüňe gurup duzak,
unudasyň gelýär biraz,
ýa bilmäsiň ähli zady,
emma habar gelmese-de,
eşitmeseň, bilmeseň-de,
öz naçaryň dat-perýady,
kösençligi, soňy gelmez,
köşgi-eýwan kemsitmesi
ýada düşer, gitmez çykyp,
içiňdedir, öçürmersiň,
ýogsa ýokdur aýtjak-da kän,
emma bilmän geçirmersiň.