Uly söz

Haý, onda men o bolupdum,
waý, munda men bu bolupdum,
il ogludym, arassadym,
kemim ýokdy, ýüregimde
alaw bardy çoýjak halky,
emma hiç kim goldamady,
getirmeden geçen ojar,
peşmek bolup döküldiler,
gülüşdiler öçsem köräp,
kül bolmasam söküldiler...

Tanyş gürrüň, gahar etse,
goşýar adam iki esse,
ýa on esse, agramyny
artdyrjakdyr, düşünersiň,
ýöne özüň aýdan wagtyň,
uly sözi kelläň göçüp,
utanarsyň biraz içden,
meger, adam şondan käte,
hudaý, geçir diýýär daşdan,
aý-ýyldyzly göge garap,
iň gowusy dymmak, belki,
öz-özüňi etmän harap.