Gijigen jogap

Menden jogap soraýardy
ol edaraň emeldary,
Allamyrat Allaguly,
stolunyň üsti tirýek,
gök kagyzdan doly, haly
harap bolup, düwüp ýumruk,
näme üçin ýazýaň neşe,
neşekeşlik barasynda,
türmeleri diýýäň doly,
ýa daşarda saklalymy?

Näme üçin ýazmaly däl?
Soraýardym oglan ýaly.
Ol diýýärdi ýazmaly däl,
işe girip gazetlerde
işlemeli döwlet üçin,
urman biziň arkamyzdan,
eger indi bes etmeseň,
soňra gaty görme bizden...

Gaty gördüm, ýöne şükür,
Allaguly tutuldy soň,
diýdi öňki kakasyna
satdyrypdyr tirýek kökün,
o edara tapandan soň,
oň öýünden, muň öýünden,
menden jogap soraýardy,
günäkärdim, azaşypdym,
aýtjak diýip aýtjak zadym,
etmelidim indi toba,
gaýtjak bolsam abat oba.

Ynanýardy özüne ol,
gürleýärdi açyk, ýaýrap,
hudaýydy tutulanyň,
gynanýaryn aýalyna,
biri boldy utulanyň.