Baý tobasy

O birisi, bu çyn habar, belki-de,
eçiljekmiş bar puluny mätäje,
az-owlak däl, onlarça müň milliard,
gök kagyzy ýygnapdyr ol, şazada,
patyşalyk el-aýagyn uzadyp,
maýa goýup, satyn alyp, satyp kän,
indi diýýär: borjum bar meň adama,
töwerekde näçe mätäç maşgala,
çül-çagaly, naçar, garry, keselli,
birlerine gerek bejergi üçin,
beýlekisi okamaly, ösmeli,
ýene biri düzetmeli durmuşyn,
gör, nähili akylly ol, dürdäne,
gör, nähili gowular bar bizde-de,
azda bolsa, şükür, toba etmeli,
hudaý diýip, talaýanyň içinde,
pul şere däl, haýra hyzmat etmeli;
o birisi, bu çyn habar, çyn bolsun,
ogly, gyzy razymyş, garşy däl,
bar puluny paýlajakmyş gereklä,
sebäbi pul bu barlygyň arşy däl.