Jogapsyz sorag

Sen nämüçin iliň üçin göreşjek,
ýeke adam, biri ýokka yzyňda,
üstesine – gözi erbet görmäge,
gowy bolsa, begenjek däl, güljek däl,
öz-özüni mis bahalan millete,
kümüş beren, altyn beren boljak däl,
gynanma sen, ýakma ýanan janyňy,
aýdylan-a, jaýlaýarlar merhumy,
däp üçin däl, ölüşine seredip,
sen nämüçin durjak adamlar üçin,
baş göterjek ilim diýip ýatana,
goý, sögsünler, gargasynlar, seretme,
näme diýjek öz-özüni satana?