Halasgär

Eger-de sen bolsaň azat ediji,
zandyň bilen zulum, süteme garşy,
seň tankyňa gül oklardy adamlar,
aglardylar gorkudan däl, begençden,
sen dünýäni aldamarsyň ogurlap,
talap halky, iň tüwmaýak jahanda,
ýesir alnan bir asyr däl, iki asyr,
açlygyndan biri-birin ýigrenýän,
agyr hassa, beýik bolmak hasraty
iýip içden, daşyn bezäp söz bilen,
geldiň, belki, menziliňe, görkezdiň,
kim sen, näme, görmejege göz bilen.