Ilkinji zerurlyk

Bize ilki näme gerek,
belki, gerek kitaphana!

Gerek dälmi ilki çörek,
ýa ýok etmek un nobatyn,
gykylygy dükandaky,
eli egri adamlary,
nirä barsa ütjek, ýoljak;
gerek dälmi başlyklaryň
ýüzün açmak, öljek, galjak
wezipede, üstesine
ýeri aljak öz eline,
suwy aljak öz eline,
hem traktor berýän boljak,
berýän boljak tohum, dökün,
hemem gyrjak iliň kökün?

Bize ilki näme gerek,
belki, gerek gowy kitap,
bir, iki däl, ýüzläp, müňläp,
hem okamak kitaplary,
hem okatmak, düşündirmek,
çäji taşlap, harpyklary,
ýalbaryp depä mündürmek,
belki, galar şondan beýläk,
hem hojaýyn bolmaz artyk,
yza çekýän wagtyn peýläp.