Ýatyrmaýan günä

Ýok, sen diňe eden erbet işleriň,
gara nebsiň üçin bermersiň jogap,
ýeke gezek gelýän diýip jahana,
iýip-içip, guçsam iň gowy sogap,
jogap diýip ýaşan günüň soralmaz
gowy işler, edilmedik wagtynda,
iň ullakan sorag bolar, belki-de,
bilýäň, ýeke gije ýatyp bilmersiň,
eşikleriň çykarsaň-da ählisin,
alada, gaýgyňy çykaryp taşlap,
kelläňi çişirip, çişirip ýürek,
günäň seni günde öldürer daşlap.