Milli bije

Men ozaldan bilýän, belet,
kän okadym gazetleri,
ezýetine düşünmäkäm,
ýüz goýundan ýüz on guzy
alýardylar o zamanlar,
soňra gitdim ýekelemä,
otag otap, suwun tutdum,
külte çekdim traktorly,
partyklyja ýygdym pagta,
suratymy aldy agta
gazetleriň suratçysy,
ýylgyrmaly, güler ýüzli
bolmalydy baş sahypa,
indi bilýän, belet onda
galmady hiç sagat adam,
gaçyp çykan gutulmady,
hatda dogan ýat illerde,
hassa dogdy, sorag berip,
düşünmeýär näme boldy,
näme bolar ejesine,
kakasyna, gara basýan,
ýa aglaýan sessiz gije,
men ozaldan bilýän, ýöne
nätjek çyksa gara bije?