Tal çapýanyň işi

Seni orden, nedallaryň goramaz,
gorap bilmez medal berenler hatda,
ol ozalky aga, oýnatgy, döşe
urup-urup, ýara eden arkasyn,
köne topun süýräp gelip söweşe,
öňki döwür bardyp öýdüp ýalňyşan,
gorap bilmez özün, görersiň basym,
ýa daşyňa üýşüreniň, yhlasyň,
guran köşgi-eýwanlaryň goramaz,
gorap bilmez goşawuçlap döşüne
orden, medal dakanlaryň, ynanma,
ilki gelip urar, üýtgände howa,
orden-medal bilen ýyrtyp ýüzüňi,
bu bir oýun, özüň bilýärsiň gowy,
jäjek oýny, ýalpyldysy göz gapýan,
aldaýan-da bolsa adamlar özün,
bar içinde, görýäň, pälinden tapýan,
ýene-de taraplar, ynanmajak bol,
öz işini eder ahyr tal çapýan.