Men-menlik
Mesele, sen muny etdiňmi maňa,
menem ertir saňa ederin şuny,
arymy alaryn bolsady diňe,
aryň alyp, köşeşerdiň, ýaralan
ýaralanyp, gara gana boýalsa,
ýa-da saňa kast edenler biruçdan
ýakan otlarynda ýansalar lowlap,
ýa düşseler gazan çukurlaryna,
wah, mesele öjüň almak bolsady,
ýa ökünse saňa kast eden millet
gara günde galyp, mamla ekeni,
diňläýmeli eken diýip aýdanyn,
wah, mesele bolmasady men-menlik,
zyýanam ýok nirä baryp, gaýdanyň.