Gyzgyn bol

Sen elmydam käriz ýaly ak, durma,
sen elmydam ösümlik dek ös, durma,
sen elmydam ýeller ýaly öwüs, geç,
sen elmydam bulutlar dek tüýdül, göç,
sen güneş dek çoýjak bolma her ýeri,
ýa aý ýaly bolma tümi ýagtyltjak,
sen çeşme dek syz daglaryň düýbünden,
sen gözbaş dek durlan akyp gitmänkäň,
sen elmydam niýetiňi ýagşy tut,
ýöne düşün elmydama ýagşylyk,
gowy bolmak başartmaýar adama,
bagyşla sen kemçiligiň, ýalňyşyň,
esasy zat – sowuk bolma, gyzgyn bol,
ýaza öwür bolsa, ot ýakman gyşyň.