Sokratyň äheňinde

Bir gowulyk bar dünýede, bilim ol,
bir erbetlik bar dünýede, nadanlyk,
sen nadany näçe beze, taryp et,
göter, çykar beýik dagyň başyna,
beg bolmaz ol, begsiresin her näçe,
altyn ýükün, göwher ýükün kem etme,
halta-halta, düýe ýükün tut, ýetir,
garyp bolar, doýmaz, dolmaz gözleri,
ýa düşünmez manysyna baýlygyň,
bir gowulyk, bilim barmyş dünýede,
bir erbetlik, nadanlyk ol, hamala,
alan ýaly saman pulda aýlygyň.