Ganhor ýoly
Мы живем на проспектах имени палачей. Татьяна Вольтская
Ganhorlaryň adyndaky köçeler,
uçar menzilleri, oba, şäherler,
ganhorlaryň heýkelleri, haýbatly,
esasy maksady uly-kiçiniň,
howuny basmaly, gapmaly gözün,
pikir eden aýdyp bilmesin sözün,
soragam bermesin gulaga ýakmaz,
köp öldüren, diýmek, edermen, batyr,
ýa köp ýurdy basyp alan, agladyp,
gyran-jyran edip garryny, ýaşy,
ýeňileniň adaty bu, ýeňeniň,
ýok edeniň adyn edýär ebedi,
öldürilen bolsaň, ýok mazar daşy,
mazaryň ýok, tapyp bilmez gözlän-de,
ganhorlaryň adyndaky köçeler
elter seni obasyna jelladyň,
mazarlary hatar tutan, owadan
daş goýulan saýlap gowudan-gowy,
hem olaryň heýkelleri beýik bor,
ýeňen ýaly geljek, öldürjek ýowy.