Bilimli il

Öň bilmezdim, tanamazdym özümi,
emma indi seredýärin, görýärin,
wagtal-wagtal başgalaryň gözünden,
hemem ozal gülüp geçip, ýaşlyk-da,
käbiriniň daş dek zyňan sözünden
many, mazmun çykarýaryn özümçe,
daş diýip däl, sapak diýip mugtuna,
wagtyň alman, hak-heşdeksiz berilen,
öň bilmezdim, tanamazdym ilimi,
indi bilýän, akylly ol çen-çakdan,
alyp bilseň, ýetik berýän bilimi.