Adam we mantyk

Adam näme etmez özünden gaçyp,
sen adamdan mantyk gözläp aldama
öz-özüňi, öz gözüňden seredip,
sen özgäniň aýakgabyn geýmeseň,
gysýan ýa-da holpuk bolýan, ýa ykjam,
ýa geýmeseň, penjegini, iň nepis,
ýa-da ýyrtyk jorabyny, zyňmaga
dözüp bilmän, tapman diýip başgasyn,
ýa-da mesiň meýlisinde ýaşaman,
azyp görmän ýeke gezek ömrüňde,
sen adamdan mantyk gözläp kösenme,
siňe baksaň, ak ýeri bar kömrüň-de.