Çatak mesele

Okamagy öwretdiň nä adama,
ýa dillerin başgalaryň, kitaply,
haýsy ugry, haýsy käri islese,
giden umman, diňe okap ýatmaly,
adam okamasa, keşdi çekmese,
öz dilinde boldy näme “Don Kihot”
üstesine göwni ýetse özüne,
Senekany zyňsa eliň tersine,
ulalmaz ol, ösmez, oturt nirede,
ýa kakasy gully bolsun her näçe,
peýdasy ýok, getir diri Sokraty,
sorag berip, jogap almaz ýekeje,
ýapyk galar, türme edip özüni,
gözenegi gün düşmeýän tarapda,
ýagtylygy islemez ol, gözleri
gamaşmasyn, gaharyny getirmäň,
okamagy öwretdiň nä adama,
gapysyny ýapsa içinden türmäň.