Gülki paýy

Polisiýa çäre görmez hökümet,
(bilinýän zat, hakykatda hyýaly),
urup, ýenjip, sütem etse garyba,
öldürse, zorlasa erkek, aýaly,
prokuror zalym bolsa, garalap,
bigünäni itse düýpsüz çukura,
il öňünde ýalan sözläp, urup lap,
görýär diýip ýüreksize, sokura,
adalatly dolandyrar, ynansaň,
ynanmasaň, çäräň ýokdur, gülmeli,
guly bolsaň gurrumsagyň, umytda,
özüň aldap – bu bir hassa, ölmeli,
täze geljek gowy bolar, belki-de,
ýaşan borsuň, ýaşaýyş däl, bilersiň,
paýyň alyp, içi ýanan gülkiden.