Goşgynyň ýazylyşy

Hakykysy, goşgy beýle,
şunuň ýaly ýazylar, bil,
ýazylmaz ol eýle-meýle,
garanjaklap daşyňa kän,
näme diýer iller diýip,
ugur-ýolun bilmän, entän,
gypjyn-gypjyn, ýapyk dükan,
gapym açsam, tekjäm görüp,
bu adamlar gülmezmikän,
diýip mydam edip gaýgy,
eger-ger, hiç ýaýdanman,
jübiň ýaly, çöwrüp ýürek,
göreç bilen ýazylar ol,
bu tarapda aklar, walla,
ýa gyzyllar çozar diýip,
ýa yňdarma, dinçi, pylan,
beýnisini alan boşluk,
ýa kommunist, bolşewikler,
bary boljak diňe başlyk,
ýa-da soňky deputatlar,
demokrat sözde diňe,
ýigreneni açyk gürrüň,
hökümeti ýykyp ertir,
ygtyýary alsa, ýeňi
pyçakly ýa daşly kileň,
diýip goşgy ýazyp bolmaz,
galyp bolmaz şahyr bolup,
eliň serip ogry äre,
gözi-gaşy dowul doly,
senden beter gypjyn-gypjyn,
gorkusyndan ulyny däl,
bäbekleri öldürjek jyn,
arwah bilen şärik bolup,
goşgy ýazmak aýyp bolar,
hakykysy, goşgy şeýle,
şunuň ýaly ýazylar, bil,
ýazylmaz ol eýle-beýle.