Adam satýan

Saňa arzan adam satýan, ilgezik,
ýok-poguňa, gerek däle garaman,
diýer, walla, haýran galdym, pylany
saňa hakyt pylan diýdi, beýle-de...
yzy belli, adam bolsaň, oýnatgy,
çişip, gyzyp, göterilip gitmeli,
ýitmeli öz boşlugyňda, peşmek dek,
tüweleýe düşen, gurap-guraman,
saňa adam satýan, harydyn alsaň,
gatnar ýörer ýykylýança ýaraman,
ýöne belli, geçseň, senem satar ol,
ýetiş diýseň, ylgap ýaraň saraman.