Kalen Dionyň äheňinde

Seniň duşan her erkegiň bogulsa,
aglamadyk agysyna hiç haçan,
ýa gark bolsa ummanyna gözýaşyň,
gözlerinden dökülmedik, saklanan,
aýyp bolar diýip, diýip gülerler,
ýa-da diýip beter bolar mundan-da,
ýa güň bolsa gulaklary adamyň,
öz aýtmadyk sözleriniň ýaňyndan,
uzatmadyk ellerinde ejize,
ejizlese dem geçirmän demligi,
sen olaryň ýykylanyn geň görme,
heniz asla çykylmadyk depeden,
çökenini dyza geň görme iliň,
depder alyp elitasy eline,
başlygynyň gözün, göwnün güldürip,
diýen sözün ýazan bolýan oýnuny,
gara çynyn geňirgenme, boýnuny
buran bolýan çem geleniň öňünde,
gyzan bolýan baş başlygy geň görme,
ilini oturdan tersine gaňňa,
gülmelimi, aglamaly adama,
öz ellerin daňan daňman.