Seniň işiň

Seniň işiň, guly bolsaň döwletiň,
ýa bolmasaň, baş galdyryp zuluma,
ýeke göreş, iki göreş, göreşme,
seniň işiň, puly bolsaň döwletiň,
jübisinde, geregine sowmaga,
gowaça ek, suwuny tut, pagta ýyg,
haly doka, bilin büküp gyzlaryň,
gelinleriň, eli deglmän özüne,
seniň işiň, çagalaryň okatsaň,
gul bolmasyn diýip, açsaň gözüni,
iýdir, geýdir, kemsinmesin ýaşlykda,
ýa güň bolsun, töwerege aňkaryp,
okatmasaň, aladasyn etmeseň,
seniň işiň, belki, seniň işiň däl,
ýesir bolsaň, goluň ýüpsüz, daňylan,
üstesine bolsaň özüňden yrza,
diliň uzyn ýygnamaly ýerinde,
pitjiň atyp töwerege, daşyňa,
alla seni halas etmez, gutarmaz,
näme bolsa, näme gelse başyňa.