Agyr kesel

Gowy bolmak buýsançly däl adama,
bilinmese, görülmese, aýdylyp,
öwülmese ýüzüne ýa ýeňseden,
orden, medal berilmese, oýun, çyn,
erbet bolmak utançly däl adama,
bilinmese, görülmese, gönüläp
ýüzüni gyzardan bolmasa asla,
parhyň näme arwah bolduň ýa-da jyn;
adam bolmak mesele däl, adamlar
eselseler, görmeseler peselip,
ýere düşüp arasynda asmandan,
şondan, meger, agyr iliň keseli.