Allanyň günäsi

Halaşyp ýa, başga çäre tapylman,
ene-ata öýeripdir, toý tutup,
indi bile girip-çykyp bir öýden,
o birleri bile ýatyp, bileje
örýär ýene bir düşekden her säher,
çagalary bolýar, begenýär olar,
hudaý berýär, egin-eşik äberip,
boýun bezäp, ugradýarlar mekdebe,
emma çagaň okuwyny, öý işin
barlamaýar hudaý, edinip işi,
halaşyp, ýa başga ugry tapylman,
o birleri girip-çykýar bir öýden,
dowam edýär itek-çomak güzeran,
zeýrenýärler, sögüşýärler kämahal,
ene-ata aralaýar, neýlesin,
bir görseler ýetişipdir ogul, gyz,
halaşsalar, öýlenýärler, çykýarlar,
o bolmasa, başyn çatyp ejeler,
kakalary toý tutýarlar borç alyp,
ýene çaga dogýar, ýene-de mekdep,
emma alla barlamaýr öý işi,
şu sebäpden tapylyp dur mesele,
maşgala kän, emma ýylgyrmaz dişi.