Ulalanyň islegi

Sapançaly kowalaşýan gyzykly,
has gyzykly talaňçylar garaňky
köçede ýa günortanlar bank urýan,
at-ýaragly, maşynly ýa motorly
gije, daňdan baryp duşmanyn gyrýan,
gyzykly biriniň düşegi, yşgy,
gyzykly beýlekiň kepbesi, köşgi,
iň esasy akyl bolmasa bolýar,
ýok et, golaýlatma, pelsepe, goşgy,
nokgy-nokgy edýän, ölüp-dirilen,
il bilen däl, özi bilen gürleşýän,
gowusy çöp, çybyk alyp, at çapsaň,
atyş-atyş oýnap, surnugsaň käşgä...