Sen bilmeseň

Sen bilmeseň bilmeýärsiň
bilmeýäniň kändigini,
bilýänlere baksaň daşdan,
bilmeýärsiň bilýän nirden
nirä geldi kesek, daşdan
ýaralanyp, sarkyp ganyn,
otdan, suwdan geçip bilmän,
gara gaýgy edip janyn,
näçe durdy gyrasynda,
nirelerde suwsuz, teşne,
nirelede köýdi, bişdi,
sen bilmeseň bilmeýärsiň,
ýöne eger ýola düşseň,
şarpygyny datsaň hyrsyň,
Hydyr gözläp ölmeýärsiň,
hemem öňkiň ýaly gedem,
gülmesize gülmeýärsiň.