Bozuk döwlet

Bozuk döwlet, gul bolmasaň,
eder elden gelenini,
aýrar seni adamlardan,
milletiňden söýen, sylan,
iň peslerin salyp saňa,
gan agladar eneň, ataň,
gözüň dikip günde daňa,
gözenekden bakyp aýa,
daş bolarsyň doňup, gatap.

Böler döwlet baş egýäne,
kaýyl gula, bozgaklara,
höçjetlere iki-ýeke,
dost-doganyn garşy goýup,
bahyllary tapyp, toplap,
garşy goýup kärdeşlerin,
birini däl, ikisini däl,
töhmet atyp, ýykar ili,
bar maksady bozmak mydam,
ozmak ondan salyp aly.