Bozulan il

Bozulan il bozuk hana
garşy dursaň, gowy görmez,
gedem diýer, diýer däli,
ýa-da diýer uly päli,
kap dagynda göwni, pylan,
ýa eliňden düşmän galam,
ýazsaň, aýtsaň aýdylmazy,
okamaz il, bozuk handan
beter bolup saňa duşman,
bozuk ilde bozuklyga
garşy durup, etme puşman,
saýlan bolsaň şeýle ýoly,
saňa garşy bolmak, belki,
ýene eder halky haly,
aýagasty sansyz hana,
näme diýse diýsin agzy,
söz bir ýana, päl bir ýana.