Il alasy içinde

Seniň aýdan, diýenleriň polise,
köçä çyksaň urýan ýa-da talaýan,
ýa howpsuzlyk işgärine gerekli,
gerekli ol harbylara, buýrulsa,
ýa keýpine atýan başga pikirli,
gul bolmaga garşy bolan ynsany,
onuň çagyryşy kanuna, kada,
açyklyga, aýdyňlyga azda-kän,
kazylara, garalawça gerekli,
gerekli ol ministre, häkime,
ertir edenlerin egninde çekjek,
ýa-da çekjek çagalary yzynda,
sebäbi haksyzlyk sylamaz adam,
kim bolsaň bol, kimiň yzynda bukul,
o birini öldüreler zäherläp,
beýlekiniň özi öler çydaman,
emma millet toba etmez, dat, aman,
hemem seni ýigrener ol başyňy
etegiňe salsaň, sözüňi aýdyp,
aldyrsa-da agzyndaky aşyny,
islemez ol gitseň, gelmegiň gaýdyp,
nämemiş, boý-ini kiçeljek ýaly,
daşynda däl, iliň içinde aly.