Düşünmejek

Düşünmejek düşünmeýär,
düşündirsin durmuş, türme,
ýa ýat iller, ýeke, ýalňyz,
ýaşasyn ol garap daşyn,
müň pikire berip başyn,
näme boldy, näme boljak,
erksizligi ýüz elli ýyl,
garyplygy gözel iliň,
hem ruhy, hem-de maddy,
gulagynda uklap piliň,
düşünmeýän düşünmeýär,
düşündirjek bolýar özün,
derejesin açyp açyk,
telper bolsa, kim we näme,
gör hem gutul derrew gaçyp.