Adamzadyň şalygynda

Adamzadyň şalygynda
gara nebis şa, soltandyr,
bergiň bardyr, algyň ýokdur,
sada bolsaň, sansyz sandyr,
depä çykar zorluk, sütem,
kemsitmeler kanun bolar,
hak, hakykat, ýa adalat,
bolar diňe gepde, sözde,
ýa kagyzyň ýüzünde täk,
din-imanly bolan bolup,
iň betnebis, iň bir kezzap,
ýalan sözläp, güler çyndan,
adamlara adam bolup
galjak bolýan, dogry, düzüw,
öldürmeýän, öldürmejek,
hiç urmasaň hapa eliň,
kän bor ýüzüň güldürmejek.