Halk aýdymynyň äheňinde

Beýikdiň-le edil düýnem,
saňa näm boldy, näm boldy?
Deňeýärdiň bizi goýna,
saňa näm boldy, näm boldy?

Beýik ýazar, şahyrlydyň,
klassykdy ählijesi,
žurnalistiň akyl büren,
gyşyk dünýäň bar köçesi,
saňa näm boldy, näm boldy?

Biz bir çarwa, çopan ogly,
sen bir çomry, top-tüpeňli,
daşdan atyp, batyrdyň-la,
ýykyp, ýumrup oba, howly,
saňa näm boldy, näm boldy?

Näme beýle, gözüň uly,
ýüregiňde dowul doly,
hany öýüň, oba, şäher,
neden gaçýaň taşlap duly,
saňa näm boldy, näm boldy?

Biz bir sada, geldik daşdan,
kän gyrylyp turuwbaşdan,
başlygymyz belleýärdiň,
saýlap, seçip, iň ýalňyşdan,
saňa näm boldy, näm boldy?

Gülýärdiň-le ile düýnem,
bar barlygy goýup müýne,
edenlidiň, zorduň-la sen,
nädip düşdüň beýle güne,
saňa näm boldy, näm boldy?