Şahyr we döwür

Her döwür – bir döwür, şahyrlar dürli,
başga-başga bolýar zamana görä,
bar gaýgysy garny bolsa adamyň,
dogramadan doýurmadyň diýer ol,
baý bolsaň, beg bolsaň, adyň taryha
girer, galar, gysyklaryň sanynda,
beýlekisi waspyn eder jykyryň,
ýa ýamaly içmeginden zeýrener,
bit azaby bizar edip janyndan,
ýene biri oda ýazar jellada,
alan ýurduň gutly bolsun, pylany,
beýlekisi Lenin begiň adyny
çyzar, bozar, başgasyna düzeder,
maýmyn pahyr oýnajakmy erkine,
güni üçin özün dünýä göz eder.