Kemakyl, hudaý we beýlekiler

Ol hudaýyň sakgalyndan tutan dek,
haýbat atýar goja dünýä, eýderin,
beýderin ýanyma gelseňiz eger,
alan ýerim aljak bolsaňyz eger,
ýararyn, ýakaryn bütin dünýäni,
emma ertir ne boljagyn bilmeýär,
alla, beýle kelte etme adamy,
akly kelte hiç özüne gülmeýär,
gaty görýär öler ýaly, gülseler,
ol hudaýyň sakgalyndan tutupdyr,
hemem diýýär näderkäler bilseler.