Ýürek meselesi

Ýüregi görmese, garagy görmez,
sen iliňden delalata garaşma,
görer diýme yhlasymy, azabym,
sylar diýme zähmetimi, niýetim
ýüregine görä keser ol baha,
satar arzan, gymmat, geçjege çatyp,
ýalňyşarsyň bil baglasaň köplüge,
gulagyndan dar agaçsyz asylan,
oýnatgy bor, köwek bolar okuwsyz,
ýa-da okap, düşünmedik hiç söze
sen esasy işiňi et, eglenme,
düşjek bolma iliň agzyna, göze,
düşündirjek bolma hiç kime, näme
isleýärsiň, biler biljegiň özi,
ýüregi görmese, garagy görmez,
goý, özüne bassyn ötmedik közi.