O bolar, bu bolar

Eger özüň gidip-gelseň ýurduňa,
eger özüň okuwyňy okasaň,
puluň bolsa, iýip-içseň isläniň,
kösenmeseň başgalar dek, köp asy,
eger özüň işiň etseň erkana,
para berip, tanyş bilen, beýleki,
garaz, güzeranyň aýlaýan bolsaň,
ýada düşmez başgalaryň hukugy,
ýada düşmez başdan-aýak bozulan
döwlet arabasy, jygyldap uzak,
basyp, mynjyradyp gelse-de ili,
ýöne özüň dadyp başlasaň şarpyk,
öňküligiň bolmaz, walla, birhili,
geliň, birleşeliň, eýle ýa beýle,
gürrüňjik edersiň, gökden düşen dek,
ýogsa pylan bolar, pismydan bolar,
bolan, boljak bilen gorkuzma halky,
bireýýäm, otuz ýyl görüp ýör olar.