Gerek bolsa

Ynan, külden ot dörärmiş,
ýalan diýme pikir etmän,
ýöne ýalyn bolmak üçin
ilki ýanýar, köýýär adam,
gara köýük edip için,
agyr ýeri şudur, belki,
çydamaly suwsuz, sölsüz,
kim ýanjakmyş peýwagtyna,
dünýe doly çeçek bolsa,
ýa bolmasa ýollarda daş,
dagdan inen togalanyp,
ulagyň bar, geçip bolmaz,
däli derýa, dolup daşan,
eňek basyp, içip bolmaz,
kenarynda içi çüýrän,
ýykylmaly derek bolsa,
ynan, turar ölen millet,
biler, özi gerek bolsa.