Tanyşlyk

Halky diňe toýda, ýasda gatnaşyp,
baryp-gelşip tanamarsyň ýakyndan,
duşuşaňda, tanyşaňda, işläňde,
çöl meýdanda ýa-da köşgi-eýwanda,
hatda türmä basylaňda bilmersiň,
begenip, heşelle kakanda käsi,
görmersiň milletiň içini, törün,
näme bolýar ýüreginde, aňynda,
soň hoşlaşyp, ýat illere gideňde,
daşlaşyp duşaňda dildeşe ýene,
tanarsyň hem düşünersiň kem-kemden,
näme boldy halka, nirede galdy,
nirde geçdiň, ýa-da galdyň deňinden,
galak bolsaň, gülkiň tutar, elbetde,
gynanarsyň barýan bolsaň öňünden.