Reňk zaýaçylygy
The best fighter is never angry. Lao Tzu
Sen özüňi ýuwaş-ýuwaş, kem-kemden,
azda-kände tanarsyň we bilersiň,
müň gezek agaryp, gyzaryp ýüzüň,
ýöne iller, ýat ýa ýakyn, özüçe,
ussat bolar surat çekmek işinde,
özünde bar reňkleri çotgaly,
ýa çöp alyp, çalar seniň ýüzüňe,
gahar etseň, güler olar içinden,
sebäbi bu mamla eder, hak eder,
suratçyny, reňkini bol çalan,
a ýylgyrsaň gahar etmän, çalaja,
birsellem diýerler binamys, pylan,
emma uzak gülmez içleri, çünki,
bar reňki biderek bor nadanlaň.