Taryhy pursat

Köp adam düşündi bolsa-da birden
sekiz aýa ýetip-ýetmän güpürdi,
näme boldy aýagynda fewralyň,
biri eýle, biri beýle gep urdy,
akyl satýan mydam köp bolýar sözde,
işe gezek gelse, azalýar gürrüň,
ýöne birden, çakan ýaly ýyldyrym,
açylan kän boldy agyr ukudan,
gyşa galman, gutarmanka sentýabr,
sebäbi bilmezlik hatardy gaty,
bu, näme-de bolsa, gowy alamat,
ret edýär adam agaçdan aty,
iň bolmanda özi münüp, çapmagy,
ýogsa köplük, asyr geçsin ençeme,
biljek däldi nämeleriň bolanyn,
kimiň gelip gul edenin gylyçly,
ýa aňyny näme bilen alanyn.