Olar indi düşünýärler

Olar söze düşünmedi,
islemedi düşünmegi,
aýt diýýänin hökümetiň
aýtmadykdan üýşenmegi
dowam etdi, dost-da bolsa,
bolsa ogly, gyzy hatda,
dogan gaçdy doganyndan,
dogry sözli bolsa eger,
diňlemedi, ýa eşitdi
öz isleýän sözün diňe,
indi döwür başga biraz,
açýar günde gözüň diňe,
zaýalaman sözi, gepi,
düşünýärler olar indi,
açylansoň dünýäň sepi,
sylamaýan sylamazy,
han bolansoň ýalan, talaň,
dogry, käsi başga birin
aýyplaýar gazap bilen,
a beýleki dymýar agyr,
günün dolap azap bilen,
olar söze gulak asman,
asyldylar, belki, dardan,
ýüplerini alyp gelip,
yrak düşüp dosty-ýardan.