Utanç

Sözi ýalan, işi ýalan adamyň,
huşy ýalan, düýşi ýalan adamyň,
ýalan onuň aýdym-sazy, gazaly,
ýorumy, yrymy özüne görä,
basyp alan üçin ýazylsa oda,
adam çynyn aýdyp, ýaşap bilmeýär,
perwana dek urup özüni oda,
ýanmak onuň adaty däl, däbi däl,
ýöne ýanar ýykylanda ýalandan,
bil tutuşman, gorkup, howatyr edip,
güni üçin günüsiniň bäbegin
huwwalar ol, üwrär ýatyrjak bolup,
dini ýalan, ýalan onuň imany,
emma adam bolan bolar gomalyp,
bilinmeýän ýaly ýagdaýy, haly,
aýyby ýok pahyr, pukara bolsa,
şeýleräk bor iliň soltany, hany,
biler karam, haram oýun oýnasa,
emma adalatly diýseler, çyplak,
syrty açyk ýalan söze ynanar,
gyzyl donly ajyň ýetirip häsin,
öz-özüni oýnar gutarsa millet,
köp bolmaz, içinde utanar käsi.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2022