Hudaýa garşy pitne

Kim öwretdi bu gylygy,
ugran ugruň berim bermek,
satyn almak gara başyň,
dawa bolsun ýa bolmasyn,
ýaýaplamak aşak-aşak,
geçjek bolmak ýok dek ýaşap,
ýüzüň, ýeňsäň des-deň edip,
ýolup bolsa ýolup diňe,
hakykatda hiç uly däl,
uly bolan bolup diňe,
bu bir däpmi ata-baba,
ýa ýürekde gasyn-gasyn,
gara gorkyň netijesi,
bir-biregi burça gabap,
bakan bolmak aňsadyna,
ýa kynçylyk döretmekmi,
ýetmez ýaly, ylgasa-da,
alla, hudaý hiç dadyňa?