Köne oýun

O birini kyhladylar nähakdan,
bu birini kyhladylar nähäkdan,
ýakyn, ýatlar çykarmady sesini,
beýlekini tutup, dykdylar türmä,
töhmet atyp, az bolmansoň ýüzüne
aýt diýlenin, diý diýlenin diýenler,
bölüp bolmaz pukarasyn, mesini,
gözi gorkan iliň bolmaz ynsaby,
alla diýsin ýa diýmesin dilinde,
hoşal bolar bir-birini iýenler,
gezegi gelýänçä sürerler döwran,
garaşyp bor, ýöne gelmez täzelik,
a könelik geler müň gezek öwran.