Milli dargursaklyk

Olar hiç bir meseläni,
ara alyp ilik-düwme,
maslahatyn edip bilmez,
biri gürlär, ýa ikisi,
üçünjisi makul biler,
dördünjisi çarpar elin,
ýalan-ýaşryk goldan bolup,
garşy çykan duşman bolar,
dönük bolar, bolar haýyn,
a mesele, düýnki gelin,
bolar ertir oral aýal,
golaýyna baryp bolmaz,
peýdasy çok senzuranyň,
ýok peýdasy açyklygyň,
dymdyrylan dymar agyr,
agzyn açan – boşan göle,
ýyky-ýumrar ýeten ýerin,
dili uzyn, sylagy az,
aralyk ýok, bolup bilmez,
şondan, meger, gülki dünýä,
bolup ýörler ölmez-gülmez.